|
Línuleg diffurjafna af fyrsta stigi hefur formið
y' + f (x) . y = g(x) Diffurjafnan er línuleg ef breyturnar y' og y eru báðar í fyrsta veldi. Þannig jöfnur hafa almenna lausn, a.m.k. frá fræðilegu sjónarmiði.Föllin f (x) og g(x) mega vera hvað sem er, sin(x), x², log(x), 3, o.s.frv. Þegar hægri hlið diffurjöfnunnar er núll, y' + f (x) . y = 0, er diffurjafnan kölluð einsleit. Dæmi um einsleita jöfnu með föstum stuðlum er bankareikningur með 10% ársvöxtum. Diffurjafna fyrir upphæðinni y á reikningnum er y' = 0.10 y og lausn hennar er y = A . e0.1x. (Þess ber þó að geta, að bankakerfið reiknar vexti ekki með sömu nákvæmni og þessi jafna!) Þegar fallið g(x) er ekki núll fyrir öll x er sagt að diffurjafnan sé misleit eða hliðruð. Dæmi um slíka jöfnu er y' + y = x. Við lausn slíkrar jöfnu má fara þá leið að
|