Talnasöfn og tölfræði

Látum A og B vera tvær jafnlangar talnarunur sem ákveðið samband er á milli. Hér er dæmi um meðaleinkunn útskrifaðra tölvunarfræðinga og byrjunarlaun þeirra á vinnumarkaði (í þús. króna):

A: Einkunn 7,4 8,0 8,5 9,0 8,0 7,1 7,8 7,1 7,6 6,8 6,9 7,8 7,9 7,4 6,9

B: Laun 185 200 211 224 212 150 180 188 157 144 155 172 190 172 168

Eins og greinilega kemur fram á línuritinu hér til hægri er jákvæð fylgni milli einkunnar og launa, nánar tiltekið er r = 0,84. Rauða strikið á myndinni er fylgnilínan, besta lína felld að gögnunum

Ákvörðunarstuðull fylgninnar er r² = 0,71 sem þýðir að um 71% af dreifingu launanna má útskýra með fylgni við einkunn.

Með öðrum orðum sagt á dreifing punkta umhverfis fylgnilínuna að vera 71% minni en dreifing launanna ein sér.

Súluritið hér til hægri sýnir dreifingu launanna. Lengst til vinstri eru tveir með 140-150 þús., lengst til hægri er einn með 220-230 þús.

Fervik dreifingarinnar er 542.

Súluritið hér til hægri sýnir dreifingu launa umhverfis fylgnilínuna. Lárétti skalinn sá sami og hér fyrir ofan, hver súla spannar 10 þús.

Fervik dreifingarinnar er 155 sem eru 29% af 542. Fylgni við launa einkunnir hefur því minnkað fervikið um 71%.