Vesturgata 51. Húsið var byggt árið 1882 og var fyrsti eigandi þess Stefán Þórðarson, sjómaður og múrari, og húsið ávallt kennt við hann. Þegar Kjarval flytur með foreldrum sínum frá Skaftafellssýslu til Reykjavíkur flytja þau inn í húsið Vesturgötu 51. Þá var Framfarafélagið þar til húsa en í tengslum við Framfarafélagið var rekinn barnaskóli í húsinu í kringum aldamótin 1900.