Vefforritun með HTML, JavaScript og Perl

Gagnvirkar vefsíður er algengt að forrita í þremur forritunarmálum: Ýmis önnur forritunarmál koma til greina fyrir seinni tvo liðina, en til að kynnast forritun gagnvirkra vefsíðna verður hér notast við þessi þrjú forritunarmál. Samskipti vefþjónsins við Perl-forritin fara fram gegnum svonefnd CGI-skil, sem flestir áhugamenn um vefforritun munu kannast við.

Þessum vef er ætlað að vera í senn stutt kynning á HTML, JavaScript, Perl og CGI og um leið sýnidæmi um notkun þessara þátta til að búa til virkar vefsíður, bæði í vefsjá og hjá vefþjóni. Til þess að ná einhverjum tökum á efninu verður hinn upprennandi vefforritari þó óhjákvæmilega að gera tvennt: lesa mikið af leiðbeiningum og skrifa mikið af vefsíðum. Forritun lærist eingöngu með því að hafa þolinmæði til að klóra sig fram úr vandræðum. Því fylgja þessum vef nokkrar ábendingar um lesefni, en að auki eru gífurlega miklar upplýsingar aðgengilegar á vefnum.

Til þess að setja upp á tölvu þróunarumhverfi af því tagi sem hér er lýst þarf þar að vera forritunarmálið Perl, vefþjónn sem veitir CGI þjónustu, sæmilega þægilegur ritill til að skrifa Perl forrit og HTML ritill. Perl er ókeypis og á vefsíðunum um uppsetningu ritils og vefþjóns er bent á ágæt ókeypis forrit. Vilji menn nota önnur forrit ættu leiðbeiningarnar samt að hjálpa til að benda á þau atriði sem þarf að huga að við uppsetningu slíkra forrita. Til þess að finna forrit af þessu tagi hefur mér gefist best að leita á TUCOWS forritasafninu. Annað slíkt safn er NONAGS.

Þessi vefur settur upp sem kynning á því efni sem fjallað er um á vefnum Vefforritun með HTML, JavaScript og Perl. Sýnidæmin um CGI forritun virka EKKI hér því vefurinn er saminn með það fyrir augum að sá sem vill kynna sér efnið til hlítar setji hann upp á eigin tölvu.

Lesið skjalið Um Vefforritun með HTML, JavaScript og Perl, sækið skrána vefforritun.zip og setjið upp ykkar eigin vef!