|
Þegar tölfræðingar fella beina línu að gögnum nefna þeir það yfirleitt
aðhvarfsgreiningu, og láta þá venjulega fylgja með reikninga um öryggismörk aðhvarfslínunnar.
Í Excel framkvæmir skipunin Data Analysis/Regression aðhvarfsgreiningu og veitir
margháttaðar upplýsingar um öryggismörk og fleira, meðal annars frávik einstakra gilda frá aðhvarfslínunni.
Annað heiti á aðhvarfslínunni er að segja að hún sé felld að gögnunum með aðferð minnstu kvaðrata. Þá er vísað til þess, að þetta er sú lína þar sem summa frávikanna í öðru veldi er minnst. Með tilvísun til þess sem segir í kafla 1 um meðaltal og fervik talnasafns er ljóst að þetta þýðir líka að meðaltal frávikanna frá aðhvarfslínunni er núll, sem í tölfræðinni er mikilvægur eiginleiki. Það er tiltölulega einfalt að nota diffurreikning til að leiða út reglu um stuðlana í jöfnu aðhvarfslínunnar y = Ax + B:
Með sama hætti er unnt að finna stuðla fyrir margliðu af hvaða stigi sem vera skal sem fellur að talnaröð í skilningi minnstu kvaðrata, að því einu tilskildu að talnaröðin sé lengri en stig margliðunnar. Til þess er þó hentugra að nota táknmál færslu- og fylkjareiknings. |