Uppsetning PFE ritilsins
Programmers File Editor er ókeypis ritill til þess að skrifa og prófa forrit. Notandinn getur stillt hann á ýmsa vegu og sett upp skipanir til að keyra forrit skrifuð í ýmsum forritunarmálum. Það sem helst vantar má segja að sé litun kóða. Þeir sem vilja kaupa ódýran ritil sem hefur alla slíka kosti geta til dæmis sótt TextPad á netið, prófað hann ókeypis um hríð og síðan greitt $27 fyrir áframhaldandi not.
PFE kemur í zip-skrá. Efni hennar vistar maður í einni möppu, en ekki þarf að keyra neitt setup-forrit. Síðan er hægt gera Shortcut á skrána pfe32.exe í möppunni. Síðan þarf að stilla ritilinn þannig að hann keyri Perl-túlkinn og birti útkomuna. Við gerum ráð fyrir því að búið sé að setja Perl upp á tölvunni og þá er framhaldið svona:
- Veljið Options/Preferences og síðan Execute Menu.
- Veljið New og :
Menu item: Perl
Command: perl %n.pl
Directory: .
- Merkið síðan við ...and capture output
Næst er að prófa uppsetninguna. Það gengur svona til:
- Opnið nýtt skjal og skrifið stutt Perl forrit (t.d.: print "halló";)
- Vistið skjalið, t.d. í möppunni Temp, undir nafni eins og hallo.pl. Það eina sem skiptir máli er að skráin hafi nafnaukann pl .
- Farið í File valmyndina og veljið Change to File Directory til þess að tryggja að túlkurinn finni skrána.
- Farið í Execute valmyndina og veljið Perl (hægra megin í valmyndinni). Þá á túlkurinn að keyra forritið og skila úttaki þess í nýjum glugga í PFE. Úttakið er hægt að vista eins og hverja aðra skrá, ef svo ber undir.